ZER EDO ZER GERTATUZ GERO, EGIZU ZERBAIT!!!

Indarkeria sexista ez da soilik eraso fisikoa edo bortxaketa. Sexu harremanak izatera behartzetik hasi, eta egiten zaionak nahi gabe ukitu edo muskatzeraino, hori guztia ere indarkeria sexista da.

«Matxo‑man» izaten irakatsi digute, mutilok izan behar dugula ligatzen dutenak, «gogorrak», «aktiboak», ez ditugula sentimenduak erakutsi behar, eta lagun taldeko kideen zapokeriei eta txisteei barre egin behar diegula.

Zure lagunen «txantxa» eta jokabide sexista horiez nazkatuta bazaude… Ez geratu bazterrean, ezer egin gabe. Uxatu matxo‑man ez izatearen beldurra, eta egizu zerbait! Zeregin garrantzitsua duzu zuk ere.

  • Erasotzaileei gogorarazi iezaiezu EZ dioenak EZETZ esan nahi duela. Emakume batek zure eskubide berdina du, zer nahi duen eta zer ez duen nahi erabakitzeko. Ezin duzu haren ordez erabaki.
  • Enplastua edo lerdetsua izatea ez da ligatzea, ERASOTZEA DA.
  • Ez ezazu erasorik justifikatu, ezta alkoholaren eta drogen aitzakiarekin ere.
  • Kalean, gauez, egunez, PERTSONA guztien gozamenerako jaiak dira. EZ ZAITEZ KONPLIZEA IZAN, ekin, eta esaiezu EZ erasotzaileei.

ZER EGIN ERASO BATEN AURREAN?

  • Uste baduzu emakume bat erasotzen ari direla, HITZ EGIOZU emakume horri. Galdetu iezaiozu ea ondo dagoen, ea laguntza behar duen.
  • Erasotzaileari jakinaraz iezaiozu ez duzula egoera onartzen, ez duzula uste dibertigarria denik eta normala denik emakumeak erasotzea.
  • Zure adiskidea den emakumeren bati haren bikoteak tratu txarra egiten badio, esaiozu zure adiskideari ez dela normala, ez dagoela bakarrik, eta emaiozu informazioa edo lagun iezaiozu laguntza bila.

HALA ERE ZERBAIT GERTATZEN BADA DEITU

SOS Deiak: 112

Udaltzaingoa: 092

INFORMAZIO GEHIAGO NAHI BADUZU

Donostiako Emakumeen Etxea
943 483 470

Gizarte Ongizatea
943 481 400