Indarkeria sexistari aurre egitea guztion ardura da

Egun, emakumeok oraindik ez ditugu geure eskubideak bermatuta, ez gara jendarte parekide batean bizi, eta indarkeria sexista jasaten dugu geure bizitzako esparru guztietan.

Zer da indarkeria sexista?

Indarkeria sexistaren helburua gizon eta emakumeen arteko botere harreman hierarkikoak ezarri eta mantentzea da, emakumeak menpekotasun eta diskriminazio egoera batean kokatuz.

Hainbat forma izan ditzake: irainak, ustezko hitz politak, mespretxua, zapalkuntza, jeloskor izatea, xantaia emozionala, zirriak, jazarpen sexuala, kolpeak, bortxaketak, hilketak…

Guztion ardura da emakumeok jasaten ditugun erasoei erantzun bat ematea. Konplizitateak eta pasibotasunak ez du balio.

ZER EGIN ERASO BAT IKUSTEN BADUZU

  • Etxean zaudela oihu bat entzuten baduzu, atera zaitez begiratzera zer gertatzen den, larria izan daiteke.
  • Emakume bat eraso egoera batean dagoela uste baduzu: joan harengana, galdetu ea ongi dagoen eta laguntzarik behar ote duen.
  • Erasotzaileari jakinarazi egoera hori gaitzesten duzula eta jokabide hori onartezina dela.

Egoera larria bada edo beraiengana hurbiltzea arriskutsua iruditzen bazaizu:

  • Atera zarata, oihukatu sua dagoela, errieta egin erasotzaileari, lekukoak daudela aditzera emateko.
  • Bitartean, udaltzaingoari (092) edo SOS Deiak-era (112) deitu.

ZER EGIN BORTXAKETA BAT GERTATUZ GERO

Eraso larriak gertatzen direnean, bortxaketa adibidez, EMAKUMEARI JAKINARAZI BEHAR DIOGU BETI eska dezakeela laguntza, salaketa jarri nahi badu edo nahi ez badu ere:

Udaltzaingoa: 092

SOS Deiak: 112 (aplikazioa jaitsi)

Ez utzi bakarrik konfiantzazko pertsona batekin edo profesional batekin egon arte.

Baliteke emakumeak berehala ez jakitea salaketarik jarri nahi duen ala ez; edonola ere, honako telefono zenbaki hauek EMANGO DIZKIOGU:

Gizarte ekintzako atala:

Goizetan joan gaitezke bertara, informazio, orientazio eta laguntza espezifikoa jasotzeko.
943 48 14 00, Urdaneta 13.

Emakumeen etxea – Berdintasun atala:

Goizez jo dezakegu hartara, informazioa jasotzeko.
943 48 34 70, Okendo 9.

24 orduko telefonoa: 

900 48 01 11

INFORMAZIO GEHIAGO NAHI BADUZU:

Donostiako Emakumeen Etxea:
943 48 34 70

Gizarte Ongizatea:
943 48 14 00

24 orduko telefonoa:

900 48 01 11